*पितृदोष नाशक श्रीचक्रधर स्तोत्र*
*श्री चक्रधराय नम: श्री पंचावताराय नम:*
*श्री खणेपुरी तीर्थ स्थानाय नम :*
——————–
*नमो निराकार निर्गुणा ।*
*नमो अनंता शक्ती सगुणा ।*
*नमो मायापुर धारणा ।*
*कृपा करावी जग जीवना ।।१।।*
*दया मया कृपा करुणा ।*
*सकळ सिध्दी तुझ्या चरना ।*
*जीवांचे दुःख तुज पहावेना ।*
*कृपा करी दयाघना ।।२ //*
*अनंत ब्रम्हांड नायीकेचा नायक तु ।*
*अनंत गुणधर्म शक्तीयुक्त तु ।*
*भरवसनगरी व्यक्तलास तु ।*
*श्रीचक्रधर नाम अंगीकरुनी ।।३।।*
*दुःखी जीवांचा करावया उध्दार ।*
*खणेपुरी आलासी धावुन ।*
*लीळा चमत्कार दाखवुन ।*
*जना वेधीले दयाघना ।।४ ।।*
*कार्तिक शुध्द तृतियेला ।*
*खणेपुरी घडली अद्भूत लीळा ।*
*दुःखी जीवा उध्दरावया ।*
*आला कैवल्यरायो ।।५।।*
*जय जयाजी श्रीचक्रधरा ।*
*तुमची चांपेगौर श्रीमुर्ती ।*
*दर्शनमात्रे जनासी वेधीती ।*
*वार्ता गेली ग्रामाला ।।६।।*
*खणेपुरीच्या शिवारात ।*
*काटियेतळी एकांतात ।*
*लखुदेवबासी सांगतो मात ।*
*ऐकोनी अवधे झाले चकित ।।७।।*
*ग्रामस्थ लागती चरणाला ।*
*भारध्वज पक्षी तोही वेधला ।*
*वार्ता गेली चहू दिशाला ।*
*लोक धावती दर्शनाला ।।८।।*
*मर्दना मादणे स्नान घालीती ।*
*चंदणाची उटी लाविती ।*
*पुष्प माळा गळा घालीती ।*
*ओवाळीती पंचदीप ।।९।।*
*बाईसा म्हणती बाबा ।*
*स्वीकारावीजी आरोगणा ।*
*म्हणती नाथोबाशी भीक्षा आणा ।*
*दहिभात आरोगिले ।।१०।।*
*ऐशी घडली अद्भूत लीळा ।*
*भक्तीजन लागती चरणाला ।*
*देव खणेपुरीसी प्रगटला।*
*दुःख निवारण करण्याला ।।११।।*
*जनाचे पाहुनी दुःख दैन्य ।*
*कळवळलाशी तू दयाघन ।*
*दोष उदरी सामावून ।*
*जीव उध्दरण्याशी प्रर्वतला ।।१२।।*
*हा अवघा जनु ठकलेला ।*
*तू आलाशी फेडण्याला ।*
*मी दुःखाने गांजलेला ।*
*माय बापा चक्रधरा ।।१३।।*
*मी पामर दुःखिस्त ।*
*हीन दीन अधम पतित ।*
*पितृ दोषाने झालो त्रस्त ।*
*माय बापा चक्रधरा ।।१४।।*
*संसार दुःखाचे रडगाणे ।*
*गाऊनी मागतो तुज मागने ।*
*तू माय बाप दयाळू पणे ।*
*देशील ते घेईल संतोषाने ।।१५।।*
*काय सांगू माझी व्यथा ।*
*देवा तू सर्व असे जाणता ।*
*रंजल्या गांजल्यांची तू माता ।*
*तू माहेर जीवांचे ।।१६।।*
*देवा माझे दुःख अमित ।*
*दारिद्र्याने झालो पिडीत ।*
*परिवाराची झाली वाताहत ।*
*पितृ दोषे भंगलो ।।१७।।*
*घर नाही राहावेया ।*
*अन्न नाही खावया ।*
*वस्त्र नाही नेसावया ।*
*तू जननी पाहे मज ।।१८।।*
*माझ्या दुःखाला मीच कारण ।*
*तुज बोल काय विनाकारण*
*पुर्वजन्मीचे माझेच कर्म हीन*
*म्हणून दुःखाते पावलो ।।१९।।*
*चक्रधरा तू माय माऊली ।*
*देई मला कृपा सावली ।*
*शांत करी अंतरीची काहिली ।*
*चरणी देई आसरा ।।२०।।*
*तुझी किर्ती ऐकूनी ।*
*कानसेचा ब्राम्हण आला धावूनी ।*
*पुत्र आयुष्य धन देऊनी ।*
*त्याला जीवनी सुखी केले ।।२१।।*
*तैसे मज सुखी करावे ।*
*माझे दैन्य दुःख फेडावे ।*
*माझेया परिवाराशी रक्षावे ।*
*कृष्णनाथा चक्रधरा ।।२२।।*
*सकळांचा तू गोसावी चक्रधारी ।*
*खणेपुरीशी राज्य करी ।*
*तुझे भारध्वजा वेध स्थान ।*
*सर्व सुखाचे निधान ।।२३।।*
*जे खणेपुरीसी जाती दर्शना ।*
*त्यांचे पाप होई भंजणा ।*
*ते सुखी होती जीवना ।*
*सर्वही दोष नासती ।।२४।।*
*आणि काळसर्प अति दारुण ।*
*ग्रासावया करी आक्रमण ।*
*त्याचेही करी निवारण ।*
*भारध्वजा वेधू स्थान ।।२५।।*
*मनी धरुनी भक्ती भाव ।*
*विडाअवसर करी समर्पण ।*
*त्यांचे विघ्न होई निवारण ।*
*अतृप्त होई शांत ।। २६ ।।*
*माझा पितृ दोष नासावेजी ।*
*मला यश सिध्दी द्यावेजी ।*
*कु-विद्ये पासौनी मज रक्षावेजी ।*
*भारध्वजा वेधका ।। २७।।*
*जो पंचरुप आनी आपुल्या ध्यानी ।*
*लीळा आठवी एकाग्र होऊनी*
*सकळ मनोरथ पुरवी चक्रपाणी ।*
*रक्षिता समर्थ ।। २८ ।।*
*अष्टोदशे विडे अर्पण करुन ।*
*श्रीचक्रधर स्तोत्र करी पठण ।*
*तयाचा पितृदोष नासून*
*तो सुखी होय ।। २९।।*
*त्याच्या परिवाराची फिटेल भ्रांत।*
*यश मिळेल त्याला निश्चींत ।*
*दारीद्रय फिटून तो श्रीमंत ।*
*होईल जाणा ।।३०।।*
*म्हणौनी नित्यदिनी करावे पठण।*
*मग करावे अन्नोदक सेवन ।*
*श्रध्दाभाव मनी धरुन ।*
*भजावे पंचकृष्णाते ।।३१।।*
*गुरुशी आनुन आपुल्या घरी ।*
*त्याशी भजावे तन मन धनानी ।*
*त्याची प्रसन्नता लाभलेया ।*
*पावे चक्रपाणी ।।३२।।*
*इती श्री पितृदोष नाशक श्री चक्रधर स्तोत्र । रचयीता प्रज्ञासागर महानुभावीय महंत । विश्वशांती नामस्मरण आत्मतीर्थ गंगातीर । श्री खणेपुरीचे महास्थान की जय ।*